Já ...sit hér heima hjá mér að bíða eftir að klukkan líði aðeins og er að lesa blogg hjá vinum og vandamönnum en datt þá allt í einu í hug að ég ætti kannski að henda inn línu á mitt eigið ...já maður þarf jafnt að sýna sig og sjá aðra, ekki satt ??

Eina sem er ...er að það eru allir svo spekingslegir í kringum mig - miklir pennar sem segja skemmtilega frá !! Þar af leiðandi geri ÉG -nota bene - þá kröfu á sjálfa mig að ég verði nú að gera slíkt hið sama!  Hhmmmmm ...æj vitiði - mar er nú í prógrammi og sonna - ég læt bara vaða þá vitleysu sem kemur !! Nógar eru allavega heimsóknirnar til mín hér að ég get ekki verið að gera tóma vitleysu og leiðindi haaa ??

Af mér er nú annars það að frétta að ég er að fara að byrja að vinna aftur - nú er hið ljúfa líf atvinnulausu flugfreyjunnar senn á enda og við taka: frídagar, tvær ferðir til NY og þar af önnur með henni Kittý minni í tvær nætur , nokkrir námskeiðis dagar og nokkur svokölluð turn-around flug !! Já það er nú alveg ástæða fyrir því að maður lætur koma fram við sig eins og raunin er þarna innan Icelandair Aldrei að vita nema karl eiginmaður minn skjóti sér jafnvel með í einhverja ferðina þetta sumarið ...já já ... við Gunnar erum sem sagt enn gift og ekki nóg með það - því eins og gassi vinur okkar orðaði það svo vel í brúðkaupinu okkar "Ótrúlegt að þið séuð gift" - þá einmitt er "ótrúlegt að við séum enn gift" !!  Nei, að öllu gríni slepptu þá erum við ógurlega ánægð með þetta framtak okkar og ég er strax farin að plana hvernig þetta verður gert þegar við endurnýjum heit okkar ...hlakka svo til ...eruði ekki örugglega öll game í það ?? Frábært !!  Við Gunnar ætlum nefnilega að gera þetta svona Pamela Anderson og Kid Rock style - nema bara ekki með skilnaðinum ...ég leyfi ykkur algjörlega að fylgjast með því öllu saman þegar nær dregur !

Jæja - klukkan er akkurat búin að líða það sem til þurfti ....rokin !

Love you !

.....ég var að kíkja hér inn í fyrsta sinn í marga daga ....já ég veit - er alls ekki að standa mig !! Er eiginlega að ná að sannna mína eigin kenningu um að ég yrði vonlaus bloggari

Engu að síður sé ég að ég er að fá þó nokkrar heimsóknir enn - þrátt fyrir lélegt framlag - sem segir mér að ég verð að gefa þessu allavega einn séns enn !! Eins og Gunnar minn myndi svo fallega orða það "það er ekki eins og ég hafi eitthvað annað að gera þessa dagana sem atvinnulaus flugfreyja" ....þó verð ég nú að láta það fylgja - þó þeir sem þekkja hann Gunnar viti nú betur - að þetta er sem sagt búið að vera  aðal húmorinn á heimilinu síðan um áramót ...en það er nú senn á enda

 .....en dagurinn kallar og ég er rokin út í hann - verð í bandi

KÖKUSMÖKKUN Í DAG KL.14.30 !!!

Langaði bara að deila því með ykkur að við Gunnar erum að fara í kökusmökkun í dag ....tíhíhíhí

1 litlir, 2 litlir, 3 litlir bitar  - 4 litlir, 5 litlir, 6 litlir bitar - 7 litlar, 8 litlir, 9 litlir bitar - 10 litlir bitar í munni ....mínum munni

....sem er reyndar líka í fyrsta sinn sem ég bloggaði þá er ég búin að gera ýmislegt – og allt skemmtilegt !!

Ég er búin að fara til London í helgarferð með góðum vinum. Skímó var að spila á þorrablóti Íslendingafélagsins í London og gerðu það með stakri prýði I might add  Í þetta skiptið var mökum boðið með (hóst,hóst – smá biturleiki lak hér í gegn og ég biðst afsökunar ..hehehehe) Við gistum á fínasta hóteli í Kengsington, fórum á fimmtudag og komum heim seint í gærkvöldi svo við náðum alveg 4 heilum dögum nánast. Það var verslað, borgin og safn skoðuð, sofið og borðað og farið í underground !! Mikið var gott og gaman …það er svo gott að geta notið þess að vera í útlöndum með góðu fólki og njóta þess að vera til !! Svo ég tali nú ekki um hversu æðislegt mér fannst að vera í útlöndum með kærastanum mínum. Nýti hvert tækifæri núna til að tala um hann sem kærasta – styttist í að hann verði eiginmaður minn og þá er hætt við að ég fullorðnist aðeins …hehehe Og fyrir ykkur sem eruð að velta því fyrir ykkur – þá stóð hann sig eins og hetja. Ótrúlega duglegur og tókst á við áskorunina á magnaðan hátt. Veit ekki hvort okkar er meira stolt !!

En ég náði nú líka að gera fleira síðan ég bloggaði síðast …því jú eins og ég talaði um þá var hér mátun á einum ákveðnum kjól síðastliðinn þriðjudag (vona að það sé ekki ávísun á hvernig þetta blogg mitt mun ganga að ég sé ekki búin að segja frá því ennþá ) en allavega ….þá gekk mátunin rosa vel – þær voru hrifnar og öllum leist vel á og þar á meðal mér !! Er eiginlega bara í skýjunum með kjólinn og gæjann sem saumar hann Elsku Ingó minn er sem sagt að sauma kjólinn og hann er snillingur !! Ekki bara í að sauma kjól – heldur líka bara í lífinu og sem vinur !! Hann er æði bræði and I love him long time !!!

Jæja ..hvað gerði ég fleira ??

Jú,eða reyndar gerði ég ekki neitt en ég upplifði svolítið skrýtna tilfinningu. Þar sem ég sat í rólegheitunum að fletta Fréttablaðinu í vélinni á leiðinni heim í gærkvöldi og var á síðustu síðunni – glöð því þá ætlaði ég að halla mér aftur og leggja mig svolítið – þá rak ég augun í grein sem sló mig aðeins út af laginu  Það fylgir nú starfsgrein Gunnars að fjölmiðlar séu að hnýsast aðeins í einkamál hans og bjóst ég svo sem alveg við að einhvers staðar myndi koma fram hvað stendur til en þar sem við höfum sloppið svo ótrúlega vel við áhuga fjölmiðlamanna-og kvenna á okkar persónulega lífi – enda ekki viljað annað – þá fékk þetta aðeins á mig. Ég tók mér smá stund í að vera sár og gröm og reið en þar sem ég ræð því sjálf hvað ég er lengi þar þá ákvað ég að eyða ekki löngum tíma í það. Þetta er samt held ég í fyrsta sinn á rúmum 9 árum í sambandi mínu við Gunnar sem mér finnst að mér vegið og er það nú bara nokkuð gott myndi ég segja. Fékk mig til að hugsa um fólkið sem snýr sér ekki við án þess að allir viti af því – ef þetta lítilræði stuðar mig þá finnst mér ekkert skrítið að sumir taki sig til og ráðist á og kæri og annað. Ekki það að sumir svo sem kalla hlutina yfir sig og vilja þessa athygli og þurfa á henni að halda en svo eru aðrir sem eru mjög successful sem sleppa alveg ….hmmmm, hvað ætli valdi því ?? Ætli fólk sé mis áhugavert eða ætli við ráðum þessu að einhverju leyti sjálf ?? …tja …??

En jæja, nú er næst á dagskrá að taka upp úr töskunum allt fíneríið frá útlandinu og fara yfir reikningsstöðuna upp á nýtt !! Hætt við því að það verði núðlur og spagettí með tómatsósu á boðstólum á þessu heimili næstu daga !!

Ég á enn eftir að koma inn sögunni af fluffu-gæsa-sumarbústaðar-kálfa sögunni and she´s coming right up so stay tuned

Yours truly,

Þóra

p.s ég er búin að vera fá fullt af skrýtnum sms-um síðastliðna daga …mjög skemmtilegt og er gaman að spá í frá hverjum þau séu – koma öll í gegnum siminn.is eða vodafone.is …hehehehe …þið eruð skemmtilegar !!!

Já ..eins og einhverjir vita þá erum við Gunnar að fara að gifta okkur !! Svolítið súrealískt og fullorðins en það hlaut að koma að því – we were due, right??

Undirbúningurinn hefur gengið mjög vel og er mín kenning sú að það sé miklu betra að hafa styttri tíma en lengri í undirbúning – allavega fyrir mig ! Ef ég hefði haft lengri tíma þá hefði minn króníski valkvíði fengið að njóta sín og þið vitið nú einhver hvernig ég er í þeim ham

En eins og ég segi – allt er að verða klárt og við bara orðin frekar spennt. Fólk er að boða komu sína og stefnir í góða mætingu. Í kvöld er svo mátun á kjólnum hér í M8 og mæta mamma og Gróa systir á svæðið ásamt skreytingarmeistara fjölskyldunnar sem er Björg frænkan mín og ætlum við að fara yfir þá deildina. Ég er nú búin að fara einu sinni í mátun á kjólnum góða og lítur allt út fyrir að þetta sé draumakjólinn !! Ég á svo yndislegan vin sem er að sauma hann á mig og ég eiginlega get núna ekki beðið eftir útkomunni !! Hlakka líka til að sjá og heyra hvað þær dömur segja í kvöld

Ég læt ykkur vita allt um það á morgun ....

ykkar,

fröken Þóra

p.s. eins bíður sagan af síðustu helgi eftir að komast inn

omg omg omg   .....  ég er farin að blogga !!

Ég lofa nú engu um það hversu dugleg ég verð en ...minns langar núna ! Það eru svo skemmtilegir atburðir búnir að gerast upp á síðkastið og enn meira á döfinni og mig langar svo að deila því með ykkur öllum ...og líka bara fyrir mig

Sjáum hvernig fer ....vona að e-r nenni að fylgjast með

Kærasta kveðjan,
fröken Þóra